Kuba á svartalista

Umsitingin hjá Donaldi Trump, forseta, hevur sett Kuba aftur á svartalista hjá amerikanska uttanríkisráðnum, yvir statir, sum stuðla yvirgangi, og nýggj tiltøk verða sett í verk.

At strika Kuba á hesum lista verður sagt at verða eitt av størstu uttanríkispolitisku avrikunum hjá Barack Obama sum forseta. Uttanríkisráðharrin, Mike Pompeo, almannakunngjørdi avgerðina í gjár. 

Hann vísti serliga á, at Kuba hýsir fólkum, sum eru eftirlýst í USA, og at Kuba framvegis stuðlar Nicolás Maduro, forseta í Venesuela. Fá av teimum sameindu hjá USA halda tó, at Kuba stuðlar yvirgangi, skrivar NTB.