Góðar 10 milliardir í lønum í fjør

Í fjør vórðu 10,3 milliardir krónur goldnar í lønum, vísa nýggj tøl hjá Hagstovuni.

Vøksturin er 2,1 prosent samanborið við árið fyri, og hetta er minsti vøkstur í lønargjaldingunum síðani 2013, tá hann var 1,3 prosent.

Í fjør fingu mannfólk tilsamans 6,4 milliardir krónur í lønum og konufólk 3,85 milliardir kr.

Lønarparturin hjá monnum var 62,5 prosent og hjá kvinnum 37,5 prosent.

Býtið er á leið tað sama sum í 2019.

60 prosent av lønargjaldingunum vóru almennu og privatu tænastunum, góð 19 prosent í fiskivinnu og aðrari tilfeingisvinnu, og 16,7 prosent vórðu goldin í lønum í byggivinnu og aðrari tilvirking. 

Meira sæst um lønargjaldingarnar í 2020 her.