Pool: Landskrona stovnar meistaradeild

Skjøtil er settur á nýggja meistaradeild í pool. 

Tað er ítróttabarrin, Landskrona, sum leggur borð til, og stigtakarar eru tey bæði, Sunneva Háberg Eysturstein og Dánjal Olsen.

Áhugin fyri nýggju deildini er stórur. Hámarkið fyri tal á luttakarum varð sett at vera 25, og nýggja deildin telir eisini 25 spælarar.

Bæði kvinnur og menn hava teknað seg.

 - Tá vit fyri nøkrum árum síðani settu okkum fyri at skula lata eina sportsbarr upp, lá tað beinanvegin í kortunum, at vit skuldu hava professionell poolborð, sigur Sunneva Háberg Eysturstein. 

 - Vit vildu kanna, um áhugin fyri at spæla pool enn var har, og kanska vekja áhugan aftur.