ST-aðalskrivarin fordømir kvettið í Myanmar

ST-aðalskrivarin fordømir kvettið í Myanmar
Joe Biden, forseti, sigur, at USA er ímóti øllum ætlanum, sum broyta úrslitið av tjóðartingsvalinum í Myanmar í heyst
ST-aðalskrivarin, Antonio Guteres, er millum teirra, sum fordøma hernaðarkvettið í Myanmar
 
01.02.2021 - 08:59

ST-aðalskrivarin, Antonio Guterres, fordømir nú statskvettið í Myanmar, og heitir á partarnar um at halda seg frá harðskapi og at virða mannarættindini.

Hann sigur eisini, at kvettið er ein dyggur smeitur fyri demokratisku nýskipanirnar í Myanmar.

Fleiri ríkisleiðarar í vesturheiminum fordøma eisini kvettið.

Seta tiltøk í verk

Joe Biden, amerikanski forsetin, sigur sambært Reuters, at USA er ímóti øllum ætlanum, sum broyta úrslitið av tjóðartingsvalinum, og forða fyri demokratisku gongdini. 

Talskvinnan í Hvítu húsunum, Jen Psaki, segði eisini, at USA fór at seta tiltøk í verk móti teimum, sum hava skipað fyri kvettinum.

Danski uttanríkisráðharrin, Jeppe Kofod, fordømir eisini kvettið í Myanmar og sigur, at hernaðarstýrið eigur at lata politisku fangarnar leysar í stundini.

Hann leggur aftrat, at eitt grundleggjandi demokratiskt prinsipp er, at herurin er undir sivilum stýri.

Grannalond ikki so hvassorðað

Men nøkur av grannalondunum hjá Myanmar eru tó ikki so hvassorðað.

Varaforsætisráðharrin í Thailandi, Prawit Wongsuwan, segði við tíðindafólk, at tað, sum nú hendir í Myanmar, eru viðurskifti innanríkis, sum onnur ikki skulu leggja seg útí.

Nakað tað sama søgdu umboð fyri Kambodja og Filipsoyggjar, skrivar Reuters.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592