Lodnukvotan hækkar

Nú verður mælt til at fiskast kunnu 127.300 tons. Fyrra tilmælið, frá 24.januar, var 61.000 tons.

Sambært tí eiga føroyingar 3.050 tons, tí Føroyar eiga fimm prosent av íslendsku lodnukvotuni. Eftir nýggja tilmælinum eiga Føroyar tí 6.365 tons.

Fýra føroysk uppsjóvarskip hava longu fingið loyvi at fiska lodnu í íslendskum sjógvi. Tey eru Finnur Fríði, Gøtunes, Norðborg og Høgaberg. Tey hava fingið egna kvotu.

Finnur Fríði hevur fingið tvey loyvi, góð 1.140 tons tilsamans, Gøtunes hevur fingið góð 380 tons, og Høgaberg og Norðborg hava fingið góð 760 tons hvørt skipið.