Besti prísurin fæst fyri vistfrøðiligan tara

Tað fer at kosta 700.000 krónur at fáa taraalingina í Føroyum vistfrøðigóðkenda.

300.000 krónur eru settar av í ár.

Tað stendur í frágreiðingini um aling hjá Helga Abrahamsen, landsstýrismanni, sum løgtingið fekk í gjár.  

Fyri at fáa besta prísin á altjóða marknaðinum er umráðandi, at føroyski tarin kann útflytast við vistfrøðiligari góðkenning. 

Fimm loyvi til at ala tara vórðu boðin út í fjør summar. Higartil eru latin trý loyvi, eitt á landi og tvey á sjónum.