Eykajáttan til at gera veghæddina lidna

Klaksvíkar Býráð hevur samtykt at játta 8,7 milliónir krónur til at innrætta veghæddina á Biskupstorgi, soleiðis at hon kann leigast út til vinnulívið í býnum.

Tær 8,7 milliónirnar vórðu fingnar til vega við eykajáttan á býráðsfundi í síðstu viku. Pengarnir verða bókaðir sum ein íløga í fastogn hjá kommununi.

Fyrradagin undirskrivaði Klaksvíkar Kommuna sáttmála við seks ymiskar fyritøkur, ið skulu gera handilshølini klár at flyta inn í. Arbeiðið skal vera liðugt um 1. juli.