- Tíðindi, mentan og ítróttur
Rigga nú Fíggingargrunnin av
Rigga nú Fíggingargrunnin av
Landsstýrið fer at kanna, hvussu partabrøvini í BankNordik møguliga kunnu seljast
Jørgen Niclasen, landsstýrismaður, fer nú at kanna, hvussu partabrøvini hjá landinum í BankNordik møguliga kunnu seljast
10.03.2021 - 09:43
Tíðliga í apríl verður arbeiðið at taka Fíggingargrunnin frá 1992 av liðugt.
Og tá fer landsstýrið at kanna, hvussu partabrøvini hjá landinum í BankNordik møguliga kunnu seljast, sigur Jørgen Niclasen, landsstýrismaður.
Fíggingargrunnin frá 1992, sum eigur og umsitur partapeningin hjá landinum í BankNordik, er farin í sjálvbodna likvidatión.
169 mió. kr. í vinningsbýti
Landið skal síðani beinleiðis eiga partabrøvini í BankNordik. Landið eigur ein triðing í BankNordik.
Síðan 2011 hevur landskassin fingið okkurt um 169 milliónir krónur í vinningsbýti frá BankNordik.
Á aðalfundinum 26.mars verður atkvøtt um eitt uppskot um 48 mió. kr. í vinningsbýti. Triðingurin av tí eru 16 mió. kr.
Er kopiera
Nýggjastu sendingar í ÚV
