Koppsetingin í gjár setti met

Ein nýggj sending við koppingarevninum frá Pfizer/BioNTech kom við flogfarinum mikukvøldið, og í gjár varð koppsetingin tikin uppaftur.

Tilsamans vóru 760 koppsetingar í gjár, og tað er met, skrivar korona. fo.

638 fólk fingu fyrra prikið, og 122 fólk fingu seinna prikið.

Búfólk og heimabúgvandi

Fyrrapartin í gjár vórðu búfólk og avvarðandi á bústovnum hjá Almannaverkinum í Runavík, Klaksvík og í Havn koppsett. Seinnapartin vórðu m.a. fólk 65 ár og eldri, sum eru búgva heima, og fáa persónliga røkt, koppsett á á teimum trimum sjúkrahúsunum. 

Nú eru íalt 8.832 koppsetingar gjørdar í Føroyum. 4.901 fólk hava fingið fyrru koppsetingina. Tað eru 9,2 prosent av fólkatalinum

3.931 fólk hava fingið seinna prikið, og eru liðugt koppsett. Tað eru 7,4 prosent av fólkatalinum.