Brimil sleipaði trolara

Boð vórðu í gjár eftir vaktarskipinum Brimil at hjálp einum trolara aftur til lands. 

Talan var um trolaran Vesturleiki úr Sørvági, sum fekk maskinskaða vestanfyri Føroyar. 

Tað vísa upplýsingar hjá MRCC. 

Tað var skiparin umborð á Vesturleika, sum boðaði MRCC frá skaðanum.  

Brimil var hjá Vesturleika um fýra tíðina leygarnáttina, og tók tað 10 tímar at sleipa trolaran aftur til lands.