Kundu hugsað sær størri stuðul

Felagið sigur, at stuðulstíðarskeiðið er longri enn í hjálparpakka trý, har sum 10 milliónir krónur er størsti stuðulin.  

Harafturat heldur felagið tað ikki vera rímiligt, at stuðulin, sum skeinkistøð fingu, tí tey vórðu noydd til at lata aftur fyrr enn vanligt, skal mótroknast í hjálparpakka fýra, tí myndugleikarnir stongdu støðini.

Ummælisfreistin í styttra lagi

Felagið vísir á eina aðra broyting, sum sigur, at grannskoðari skal átekna umsóknina, um biðið verður um meira enn 120.000 krónur.

Ferðavinnufelagið mælir til, at feløgini, sum fáa stuðul, fáa útreiðslurnar til grannskoðara endurgoldnar.

Felagið ger eisini vart við, at ummælisfreistin var nakað stutt. Tí er væntandi, at fleiri viðmerkingar koma frá felagnum eftir at freistin er farin. Hon fór týsdagin.