Fyrstu FM-finalurnar í hondbólti í dag

Í dag verða fyrstu FM-finalurnar í hondbólti við bæði kvinnum og monnum spældar.

Neistin, sum vann triðju og avgerandi hálvfinaluna móti Kyndli hósdagin, tekur ímóti StÍF, sum vann báðar hálvfinalurnar móti H71.

Dysturin er klokkan 17.00 í høllini á Hálsi, og Kringvarpið stroymir hann á kvf.fo frá klokkan 16.50.

Hjá monnunum spæla VÍF og H71 í Vestmanna. 

Vestmenningar skúgvaðu Neistan til viks í hálvfinalunum, meðan H71 vann tveir javnar og spennandi dystir móti KÍF.

Dysturin í Vestmanna byrjar klokkan 19.30.

Í FM-finalunum verður spælt best av fimm og spælt verður soleiðis:

Sunnudagin 11. apríl
Kvinnur FM-finala 1 kl. 17.00 Neistin – StÍF
Menn FM-finala 1 kl. 19.30 VÍF – H71

Mikudagin 14. apríl
Kvinnur FM-finala 2 kl. 18.00 StÍF – Neistin
Menn FM-finala 2 kl. 20.00 H71 – VÍF

Leygardagin 17. apríl
Menn FM-finala 3 kl. 16.00 VÍF – H71
Kvinnur FM-finala 3 kl. 19.00 Neistin – StÍF

Mikudagin 21. apríl
Menn møgulig FM-finala 4
Kvinnur FM-finala 4

Leygardagin 24. apríl
Menn møgulig FM-finala 5
Kvinnur FM-finala 5