Flota nýggjan Argjabát í dag

Argja Róðrarfelag flotar í dag eitt nýtt 8-mannafar. Tað er Sámal Hansen, sum hevur smíðað nýggja Argjabátin.

Gamli Argjabáturin er 20 ára gamal, og hann smíðaði Sámal Hansen í 2001. Fyrsti Argjabátin smíðaði Niclasi í Koltri í 1982.

Vunnið FM 15 ferðir síðani 1991

Tað var gamalt at flota kappróðrarbátarnar 25. apríl, og nýggi Argjabáturin verður eisini flotaður á fyrsta sinni í dag klokkan 14. 

Manningin ætlar at rógva inn í Sandágerð og út á Argjaboða við nýggja bátinum, og soleiðis heilsa uppá Argjafólk, sigur Rúni Vesturklett hjá Argja Róðrarfelag.

Argjabáturin hevur staðið seg væl og hevur vunnið 15 føroyameistaraheiti frá 1991 til 2020. Seinasta FM-heitið vann Argjabáturin í 2019.