5.000 fleiri gistingar í mars

Í mars vóru 9.500 gistingar á gistingarhúsunum í Føroyum. Tað eru 5.000 fleiri enn í mars í fjør.

Tað var um hálvan mars í fjør, at samfelagið fór niður í ferð, so vøksturin í ár er ikki so løgin.

Hinvegin minkaðu gistingarnar 3,7 prosent samanborið við mars í 2019, sigur Hagstovan.

124 prosent vøkstur

Tað eru serliga gistingarhúsini í høvuðsstaðnum, sum eiga lutfalsliga størsta partin av gistináttunum.

Vøksturin í Havn var 124 prosent, meðan vøksturin uttan fyri høvuðsstaðin var 31 prosent.

Tað vóru serliga føroyingar, sum gistu á hotellunum í mars. Henda mánaðin gistu tríggjar ferðir so nógvir føroyingar sum í mars í fjør.

Danir gistu 50 prosent meira, men hjá fólki úr øðrum londum var talið á gistináttum at kalla óbroytt.