Seks kommunulæknastørv lýst leys

Seks kommunulæknastørv eru nú leys at søkja. Størvini eru í fýra læknadømum, og verða sett 1. oktober í ár.

Í Norðoya læknadømi er eitt starv leyst at søkja. Í Suðuroyar læknadømi eru tvey størv leys, eitt á Tvøroyri og eitt í Vági.

Freistin er 25. mai

Tvey størv eru í Skálafjarðar læknadømi, annað í Heilsudeplinum í Runavík, og hitt verður staðsett fyribils í viðtaluni á Strondum.

Arbeitt verður við at savna læknarnar í Skálafjarðar læknadømi í Heilsudeplinum, upplýsir Heilsutrygd.

Í Vestmanna læknadømi er eitt starv í viðtaluni í Kollafirði. Freistin at søkja størvini er til 25. mai.