- Tíðindi, mentan og ítróttur
Hondbóltskvinnurnar spæla um pláss í undankapping
Hondbóltskvinnurnar spæla um pláss í undankapping
Føroyska hondbóltslandsliðið við kvinnum spælir í dag ímóti Finnlandi í fyrra dystinum í smákapping, har pláss í undankapping stendur upp á spæl
Venjarin, Dragan Brljevic, og spælararnir lata væl at fyrireikingunum til kappingina
04.06.2021 - 16:44
Føroyar spæla í dag ímóti Finnlandi, sum er fyrri dystur teirra í sokallaðari undan-undankapping.
Føroyar, Finnland og Ísrael kappast um pláss í bólki B í undankappingini til EM í 2022. Allir dystirnir í kappingini verða spældir í høllini á Hálsi, men áskoðarar sleppa ikki til dystin.
Liðið, sum hevur flest stig, spælir seg víðari. Eru lond jøvn í stigum, eru innanhýsis uppgerðir avgerandi.
Føroyar spældi ímóti Finnlandi í 2017 og 2018, og tá vunnu liðini hvør sín dyst.
Dysturin ímóti Finnlandi verður stroymdur á heimasíðuni hjá Kringvarpinum frá klokkan 18.20. Dysturin sunnudagin ímóti Ísrael verður sendur beinleiðis í sjónvarpinum.
Er kopiera
Nýggjastu sendingar í ÚV
Nýggjastu sendingar í SV
