Katalonsk loysingarfólk fáa grið

Spanska stjórnin hevur givið níggju katalonskum loysingarfólkum grið. Tey vórðu dømd harða fongsulsrevsing fyri í 2017 at hava royna at loysa Katalonia frá hinum partinum av landinum.

Teir níggju katalonsku leiðararnir vórðu í 2019 dømdir millum níggju og 13 ára fongsulsrevsing.

- Við hesum eru níggju fólk latin leys úr fongsli, men symbolskt savna vit fleiri milliónir fólk, sigur spanski forsætisráðharrin, Pedro Sanchez.

Líta frameftir

Forsætisráðharrin boðaði longu í gjár frá avgerðini hjá sponsku stjórnini, men formliga avgerðin varð tikin í dag.

Stjórnin boðaði frá, at tey nú fara at líta frameftir og fáa semju og sameining.

Royndin í oktober 2017 miseydnaðist og elvdi til politiska kreppu í Spania. 

Tað hendi eftir at katalonska landspartastjórnin eftir fólkaatkvøðuna lýsti Katalonia at vera sjálvstøðuga tjóð, skrivar NTB.