VIDEO: Andrias Høgenni skal gera DR-ungdómsrøð

Sjey milliónir krónur hevur Danmarks Radio latið upp í hendurnar á Andriasi Høgenni, sum aftur fyri skal skriva og leikstjórna Danmarks Radio eina ungdómsrøð í 10 pørtum

Uni Leitisstein Hansen

Andrias Høgenni, filmsleikstjóri, hevur fingið sjey milliónir krónur frá DR til at gera eina ungdómsrøð

Uni L. Hansen

15.07.2021 - 19:30

Í fjør fekk føroyski filmsleikstjórin, Andrias Høgenni, sítt heilt stóra gjøgnumbrot í Danmark og aðrastaðni við stuttfilminum "Ikki illa meint, sum vann ein Robert fyri besta danska stuttfilm.

Nú hevur Andrias Høgenni aftur fingið eina stóra viðurkenning, tí dramadeildin hjá Danmarks Radio, DR Drama, hevur biðið Andrias Høgenni skriva og leikstjórna eina ungdómsrøð í 10 pørtum.

Ungdómsrøðin, sum verður send á netvarpinum hjá Danmarks Radio, DR TV, skal verða liðug í desember og fer at kosta sjey milliónir krónur.

Fýra føroyskir sjónleikarar sleppa eisini upp í part, og teir eru: Sissal Drews Hjaltalin, Beinta K. Clothier, Klæmint Klakk og Armgarð Mortensen.