Nýtt kurvabóltsfelag stovnað í Vágum

Nýtt kurvabóltsfelag, kallað Nykur, er sett á stovn í Vágum.

Nýstovnaða felagið fer at hava lið í bestu mansdeildini hetta kappingarárið. 

 - Síðstu árini hava fleiri leikarar ferðast úr Vágum til Havnar og Toftir fyri at venja kurvabólt, sigur Jacob M. Hansen, formaður. 

 - Tað er bara heilt natúrligt, at vit stovna okkara egna felag, tá vit eru nokk til manna okkara egna lið. Vit gleða okkum til at koma veruliga í gongd og vænta, at tað fara at leggjast fleiri leikarar til, bæði gentur og dreingir, so skjótt sum vit fáa venjingartíðir upp á pláss, sigur Jakob M.Hansen.