Russiski ráðharrin í tilbúgving deyður í vanlukku

Russiski ráðharrin í tilbúgving deyður í vanlukku
Jevgeni Zinitjev doyði, tá ið hann royndi at bjarga einum manni frá at drukna í russiska partinum av Arktis, stendur í fráboðan frá ráðnum
Mynd: AP-tíðindastovan  
 
09.09.2021 - 16:04

Vanlukkan hendi undir stóru tilbúgvingarvenjingini, sum 55 ára gamli Zinitjev hevði eftirlit við. 

Tey stóðu fleiri á einum palli saman við fotografinum. Fotografurin snávaði og datt á sjógv. Nógv vitni vóru, men Zinitjev var kvikur at leypa á blámann fyri at bjarga manninum, men í lopinum rakti Zinitjev ein stein og doyði av tí. 

Óváttaðar upplýsingar siga, at tað var kendi russiski fotografurin, Alexander Melnik, sum datt, og sagt verður í fráboðanini, at hann doyði eisini í vanlukkuni.

Tætt tilknýti til Putin

Zinitjev byrjaði í russisku trygdartænastuni, KGB, í 1987, og hann hevur tætt tilknýti til Vladimir Putin, forseta. Sagt verður, at hann hevur verið lívverji hjá Putin, og seinni tænastuheryvirmaður og seinni stjóri fyri trygdardeildini hjá Putin. 

Hann hevur eisini verið leiðari fyri anti-yvirgangsvirkseminum í trygdartænastuni, FSB, og var eitt stutt skifti vara-guvernøur í Kaliningrad. Í 2018 gjørdist hann ráðharri í tilbúgvingarmálum.

Vladimir Putin hevur sent Zinitjev-familjuni samhugaboð. - Forsetin og Zinitjev arbeiddu tætt saman í fleiri ár. Hetta er stórur missur fyri forsetan, segði Dmitry Peskov, talsmaður hjá Putin.
 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592