Flestu ísfiskalínuskipini liggja

Ísfiskalínuskipini liggja tey flestu, bara tvey fiska.

Men flestu frystilínuskipini eru úti.

Útróðrarbátarnir fáa lítið. Teir fiska mest hýsu.

Annar djúpvatnstrolarin fiskar kongafisk, og hin liggur.

Partrolararnir hava hampligt fiskarí, sigur Fiskamarknaðurin.

Sjey trolbátar eru norðanfyri. Teir fiska tosk og hýsu og nakað av flatfiski.

Tvey garnaskip fiska svartkalva. Fiskaríið hjá teimum er smáligt.

Og tvey garnaskip fiska havtasku. Hjá teimum er fiskaríið brúkiligt, sigur Fiskamarknaðurin.