Óvanliga fáir tryggingarskaðar fyrra hálvár

Óvanliga fáir tryggingarskaðar vóru fyrra hálvárið í ár.

Hetta ger, at úrslitið hjá Betri Trygging er nógv betri í ár enn í fjør.

Úrslitið fyri skatt er 63 milliónir krónur í ár. Tað var átta milliónir krónur fyrra hálvár í fjør.

Skaðaendurgjaldið er 106 milliónir krónur í ár. Tað var 190 milliónir krónur í fjør. 

Skaðatalið er 5.124 í ár. Tað var 7.227 í fyrra hálvári í fjør.

Inntøkurnar eru eisini størri í ár. Tryggingarinntøkur eru 218 milliónir krónur. Tær vóru 214 milliónir krónur.

Ikki síðani 2009 hevur hálvársúrslitið verið so gott hjá Betri trygging.