Leikarar á íslendska landsliðnum skuldsettir fyri kynsligan harðskap

Leikarar á íslendska landsliðnum skuldsettir fyri kynsligan harðskap
Seks leikarar á íslendska landsliðnum í fótbólti hjá monnum eru skuldsettir fyri harðskap og kynslig brotsverk, og spæla tí ikki við landsliðnum, meðan málið verður kannað
Seks leikarar eru skuldsettir í málinum
Mynd: KSÍ - íslendska fótbóltssambandið  
 
14.10.2021 - 17:19

Morgunblaðið skrivar, at stýrið fyri íslendska fótbóltssambandið fekk seint í september teldupost frá Øfgar-rørsluni við nøvnunum á seks spælarum á landsliðnum og dagfesting fyri, nær teir skulu hava framt harðskap og kynslig brotsverk.

30. september varð telduposturin viðgjørdur í trúnaði í ovastu leiðsluni í íslendska fótbótssambandinum. 

Av landsliðnum

Nøvnini á trimum monnum á landsliðnum, sum eru skuldsettir fyri kynsligan harðskap, eru longu almannakunngjørd í íslendskum miðlum, men hinir tríggir, sum vórðu nevndir í teldupostinum, eru ikki nevndir við navni.

Sagt verður, at teir hava spælt á íslendska landsliðnum í mong ár og spælt fleiri A-landsdystir.

Íslendski samskiftisráðgevin fyri ítróttar- og ungdómsøkið hjá íslendska ítróttarsambandinum, Sigurbjörg Sigurpálsdóttir, kannar nú málið. Keldur siga við Morgunblaðið, at teir seks leikararnir eru ikki á landsliðnum, meðan málið verður kannað.

Er kopiera
Nýggjastu sendingar í ÚV
Nýggjastu sendingar í SV
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018

Annað frá KVF