- Tíðindi, mentan og ítróttur
Løgmaður hittir Nato-aðalskrivaran
Løgmaður hittir Nato-aðalskrivaran
Bárður á Steig Nielsen og Jens Stoltenberg fara millum annað at umrøða trygdarpolitisku viðurskiftini um okkara leiðir
Bárður á Steig Nielsen, løgmaður, og Jens Stoltenberg, ST-aðalskrivari, hittast í Brússel fríggjadagin.
10.11.2021 - 13:44
Løgmaður fer fríggjadagin at hitta NATO-aðalskrivaran á NATO- høvuðsborgini í Brússel, upplýsir Løgmansskrivstovan.
Á fundinum fara Bárður á Steig Nielsen og Jens Stoltenberg millum annað at umrøða trygdarpolitisku viðurskiftini um okkara leiðir. Eisini verður kunnað um áleikandi mál í NATO-samstarvinum.
Bárður á Steig Nielsen er fjórði løgmaður í røðini, ið fær høvi at hitta ein NATO-aðalskrivara.
Í 2003 vitjaði Anfinn Kallsberg skotan George Robertson, í 2005 hitti Jóannes Eidesgaard hollendingin Jaap de Hoop Scheffer, og í 2012 hevði Kaj Leo Holm Johannesen fund við Anders Fogh Rasmussen.
Er kopiera
Nýggjastu sendingar í ÚV
Nýggjastu sendingar í SV
