- Tíðindi, mentan og ítróttur
Radarin fyri Uttanlandsnevndina
Radarin fyri Uttanlandsnevndina
Landsstýrismaðurin í uttanríkismálum kunnaði í gjár landsstýrið um málið
Miðað verður eftir at kunna geva Trine Bramsen, verjumálaráðharra, eitt svar um radaran, tá ið hon kemur til Føroya fyrst í desember.
10.11.2021 - 15:35
Í næstu viku fer Jenis av Rana, landsstýrismaður, í Uttanlandsnevndina hjá løgtinginum við spurninginum um lofteftirlitsradaran, sum danir vilja byggja í Føroyum.
Landsstýrismaðurin kunnaði í gjár landsstýrið um málið.
Í næstu viku verður fyrst fundur um málið í Trygdarráðnum, har sum Bárður á Steig Nielsen, Jenis av Rana og Jørgen Niclasen umframt embætisfólk eru, og síðani fer málið í Uttanlandsnevndina.
Miðað verður eftir at kunna geva Trine Bramsen, verjumálaráðharra, eitt svar, tá ið hon kemur til Føroya fyrst í desember.
Trine Bramsen kemur til Føroya 8. desember.
Er kopiera
Nýggjastu sendingar í ÚV
Nýggjastu sendingar í SV
