Ringasta ódn í Kanada í 100 ár

Ringasta ódn í Kanada í 100 ár
Tað hevur regnað meira enn 170 millimetrar, og ódnin hevur kravt í minsta lagi eitt mannalív
Tað er sera torført at bjarga fólki, sum sita føst í bilum, har vatnflóð er.
Mynd: RitzauScanpix  
 
17.11.2021 - 15:33

Eitt fólk hevur latið lív í ógvusligu ódnini, sum herjar í Kanada í løtuni. Sambært talsmonnum fyri kanadisku stjórnina, er hetta tann ringasta ódnin í meiri enn 100 ár.

Túsundtals húsarhald eru rýmd úr landspartinum British Columbia, síðani ódnin rakti.

Tað hevur regnað 174 millimetrar, og tað er met. Nógva avfallið hevur eisini við sær, at tað er sera trupult hjá bjargingarfólki at sleppa fram at teimum neyðstøddu.

Eitt, sum myndugleikarnir stúra fyri, er, at fólk fara inn í hús og handlar at stjala. 

Meira enn helvtin flýdd

Ein kvinna í býnum Merritt, segði soleiðis við CTV News Vancouver:

- Meir enn helvtin av fólkunum í býnum er flýdd. Tað sær út, sum dyrnar er latnar upp á víðan vegg, og øll kann taka tað, teimum lystir. Onki pláss er fyri okkum á nøkrum vistarheimi, so hvat skulu vit gera? Eg vil heldur vera í mínum egnu húsum, enn at sita í bilinum saman við djórum og børnunum hjá mær, segði kvinnan.

Serliga trupult er at sleppa fram at fólki, ið sita føst í bilum, eftir at fleiri skriðulop hava rakt høvðusvegir, sigur talsmaðurin.

Regnið hevur sett met endan mánaðin í landspartinum British Columbia. Met verður, at avfalli er áleið tríggjar ferðir meiri, enn vanligt er fyri hesa árstíð, skrivar BBC.

Vatnflóðin í Kanada rakar bæði fólk og fæ. (Mynd: RitzauScanpix)

 

Er kopiera
Nýggjastu sendingar í ÚV
Sunnudag 16. februar
Kallið: Vit mugu kenna ábyrgd
187771
Leygardag 15. februar
Jambalaja - 150225
187814
Leygardag 15. februar
Upp á tá - 140225
187806
Nýggjastu sendingar í SV
Sunnudag 16. februar
Guðstænasta úr Havnar kirkju
187829
Leygardag 15. februar
Hondbóltur: H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663