- Tíðindi, mentan og ítróttur
Bussvanlukka í Bulgaria kravt 46 mannalív
Bussvanlukka í Bulgaria kravt 46 mannalív
Bussurin var á veg úr Turkalandi til Bulgaria, tá eldur kom í hann
Eldur kom í bussin, tá hann koyrdi á einum motorvegi millum Turkaland og Bulgaria.
Mynd: RitzauScanpix
23.11.2021 - 11:12
Ein bussvanlukka í Bulgaria hevur kravt í minsta lagi 46 mannalív, og børn eru eisini millum tey deyðu, upplýsir innanríkisráðið í Bulgaria.
Eldur kom í bussin um midnáttarleitið, okkara tíð, tá hann koyrdi á einum motorvegi.
Millum ferðafólkini vóru 12 børn, skrivar AFP.
Tey flestu, sum hava latið lív, vóru úr Norðurmakedónia.
Verið vikuskiftistúr
Ferðafólkini høvdu verið vikuskiftistúr í Istanbul í Turkalandi, og eldur kom í bussin á einum motorvegi umleið 45 kilometrar úr bulgarska høvuðsstaðnum, Sofia.
53 fólk vóru í bussinum. 12 bjargaðu sær, tá tey lupu út. Tey eru flutt á sjúkrahús í Sofia við brunasárum.
Ikki er greitt, hví eldur kom í bussin.
Er kopiera
Nýggjastu sendingar í ÚV
Nýggjastu sendingar í SV
