Nýggj tannlæknastova til barnatannrøktina í Havn

Eitt nýtt hús til barnatannrøktina í Havn skal byggjast í staðin fyri høvuðstannlæknastovuna í Tórsgøtu, sum ikki longur lýkur krøvini.

Barnatannrøktin í Tórshavnar kommunu umfatar 6.300 børn og ung.

Eingin avgerð er tikin um, hvar nýggja tannlæknastovan skal vera, men tannlæknastjórin mælir til at byggja millum Musikkskúlan og skúlan á Fløtum. 

Ein millión aftrat næsta ár

Í fíggjarætlanini fyri næsta ár er ein millión til tannlæknastovuna. Og ein millión er í fíggjarætlanini í ár.

Á fundinum í kvøld skal býráðið taka støðu til fyrstu stigini, sum skulu takast til at fyrireika byggingina.

Málið er ikki nýtt í býráðnum. Tað byrjaði har í 2007.