Mæla frá at geva byggiloyvi við Áir

Umsóknir eru frá Vinnuháskúlanum og frá Kaj Andreasen og kompaní um at byggja við Áir.

Vinnuháskúlin ætlar at byggja eina høll á leigaða økinum, sum skúlin hevur við Áir.

Høllin skal vera 700 fermetrar.

Hon skal brúkast til Trygdardepilin, sum kann flyta í hana.

Trygdardepilin er nú við Hvalastøðina.

Kaj Andreasen og kompaní hava leigað eitt øki við Áir til goymslu síðani 2010.

Nú er ætlanin at byggja eina høll á økinum.

Býráðið í Sunda kommunu skal viðgera umsóknirnar um byggiloyvini í kvøld.