Tríggjar kommunur broyta skattaprosentið

Tríggjar kommunur hava broytt skattaprosentið í ár sammett við í fjør.

Tvær kommunur hava lækkað skattaprosentið.

Kunoyar kommuna hevur lækkað kommunuskattin úr 18,75 prosentum niður í 18,50 prosent, og Skopunar kommuna hevur lækkað kommunuskattin úr 21,00 prosentum niður í 20,95 prosent.

Ein kommuna hevur hækkað skattaprosentið. Tað er Porkeris kommuna. Har er skattaprosentið hækkað úr 20,75 prosentum upp í 21,00 prosent.

Vága kommuna hægsta skattaprosentið

Vága kommuna hevur hægsta skattaprosent í landinum. Har er kommunuskatturin 22,00 prosent.

Fugloyar, Skúvoyar og Fámjins kommunur hava lægsta kommunuskatt í landinum. Har er kommunuskatturin 16,00 prosent

Kirkjuskatturin er broyttur í tveimum kommunum.

Í Vágs kommunu er kirkjuskatturin farin upp, úr 0,60 prosentum upp í 0,90 prosent, og í Hvannasunds kommunu er kirkjuskatturin lækkaður úr 0,90 prosentum niður í 0,60 prosent.

Í einari kommunu er barnafrádrátturin broyttur. Tað er í Sunda kommunu. Har er barnafrádrátturin hækkaður úr 6.000 krónur upp í 6.500 krónur.