Italia og Lettland verða harðasta mótstøðan

Tvey tey ovastu liðini fara víðari til play-off dystir, tá føroyska hondbóltslandsliðið við monnum spælir HM-undankapping næsta vikuskifti.

Landsliðsvenjarin, Peter Bredsdorff-Larsen, metir, at Luksemburg er veikasta liðið í bólkinum, og at kappingin stendur ímillum Italia, Lettland og Føroyar.

Italia líkist Føroyum á nógvan hátt, eitt land, sum er á veg fram og hevur stórar hondbóltsambitiónir, meðan Lettland er meir etablera og hevur stóra spælaran, Dainis Krištopāns, sum umboðar franska stórfelagið, PSG, og eitt skifti var heimsins besti hondbóltsspælari.