Danmark setur koronuavmarkingar úr gildi

1. februar verður korona ikki roknað sum ein samfelagshóttandi sjúka longur, og tí verða flestu koronuavmarkingarnar sleptar.

Tað boðaði Mette Frederiksen, forsætisráðharri, frá á tíðindafundi í gjárkvøldið.

Tað er eftir tilmæli frá donsku farsóttarnevndini, at nærum allar koronuavmarkingarnar í Danmark nú verða sleptar, segði hon:

Sí videobrot frá tíðindafundinum í gjárkvøldið:

Farsóttarnevndin mælir kortini til, at kravið um koronukanning og sóttarhald í sambandi við, at fólk koma til Danmarkar, framvegis verður í gildi í ein mánað aftrat. Enn er ikki semja um hetta í Fólkatinginum.

Danir hava bíðið leingi eftir fráboðanini frá stjórnini, sigur Kaj Joensen, tíðindamaður á Christiansborg:

Hóast smittutølini í Danmark í gjár vóru um 50.000, so er trýstið á heilsuverkið ikki stórt, og tí vera avmarkingarnar sleptar nú, sigur Kaj Joensen:

Hóast koronuavmarkingarnar nú verða sleptar, mæla heilsumyndugleikarnir tó framvegis til, at munnbind og koronupass verður brúkt á sjúkrahúsum og ellisheimum.