Frítekst tagging:
- Tíðindi, mentan og ítróttur
Danmark sendir 550 mió. kr. til Ukraina
Danmark sendir 550 mió. kr. til Ukraina
- Ukraina og onnur lond í eysturevropa stríðast beint nú eitt týdningarmikið stríð fyri fólkaræðið og frælsi, sigur danski uttanríkismálaráðharrin
Tað er umráðandi, at Danmark stuðlar stríðið fyri fólkaræði í Ukraina, sigur Jeppe Kofod, danskur uttanríkismálaráðarri
Mynd: Ritzau / Scanpix
27.01.2022 - 09:08
Danska stjórnin veitir nú Ukraina 550 milliónir krónur í fíggjarligum stuðli.
Ukrainski uttanríkisráðharrin, Dmytro Kuleba, vitjar í Danmark í dag. Og tað var í hesum sambandi, at danski uttanríkisráðharrin, Jeppe Kofod, kunngjørdi, at danir veita fíggjarligan stuðul til Ukraina.
Danir leggja 875 milliónir krónur til síðis í samband við "Danmarks Naboskabsprogram" næstu fýra árini. Av teimum pengunum fær Ukraina 550 milliónir krónur.
- Ukraina og onnur lond í eysturevropa berjast beint nú eitt týdningarmikið stríð fyri fólkaræðið og frælsi. Tað stríðið er týdningarmiklari nú enn nakrantíð áður, sigur danski uttanríkismálaráðharrin, Jeppe Kofod.
Hann leggur afturat, at danir vilja stuðla londum sum eitt nú Ukraina og Georgia í stríðnum móti korruptión og at endurskapa fólkaræðisligar skipanir.
Serliga í hesum tíðum, tá Russland leggur trýst á fleiri lond í eysturevropa.
Er kopiera
Nýggjastu sendingar í ÚV
Nýggjastu sendingar í SV
