Arbeiðsloysið var minni enn eitt prosent í heyst

Arbeiðsloysið í Føroyum var minni enn eitt prosent í fjør heyst.

Tað fór niður á 0,9 prosent í september, og var har bæði í oktober og november.

Í august í fjør var arbeiðsloysið 1,1 prosent.

256 fólk vóru fulltíðararbeiðsleys í november.

Minst í Norðstreymoy

Minsta arbeiðsloysið var í Norðstreymoy, 0,3 prosent, og tað størsta í Suðuroynni, 1,9 prosent.

Í morgun eru 225 fólk, 91 menn og 134 kvinnur, skrásett at fáa pengar frá ALS.

733 fáa fiskavirkisstuðul. 1177 fólk eru í teirri skipanini.

65 starvslýsingar, tað eru leys størv, eru á heimasíðuni hjá ALS í morgun.