Aftur gull til Magnus Jákupsson

Magnus Jákupsson vann sær í dag sítt triða gullheiðursmerki á donsku meistarastevnuni á langgeil, tá ið hann í finaluni í 200 metra ryggsvimjing svam teinin upp á 2:04.21. Magnus var seks hundraðpartar framman fyri silvurvinnaran, Andreas Schiellerup, á 2:04.27.

Magnus var annars aftanfyri bæði við 50, 100 og 150 metrum, men megnaði at hála seg fram um Schiellerup seinastu longdirnar. Magnus Jákupsson hevur vunnið gull í øllum ryggkappingunum, 50 metur, 100 metur og 200 metur.