Ferðafólk bjargað av italskari ferju

Øll ferðafólkini eru fingin av italsku ferjuni, Euroferry Olympia, sum brennur í Miðalhavinum.

Tað skriva tíðindastovan, AFP og fleiri italskir miðlar.

237 ferðafólk vóru við ferjuni, umframt manningina, sum er 51 fólk, og sum framvegis er umborð, skrivar AFP.

Eingin veit enn, hví eldur kom í ferjuna.

Verða flutt til Korfu

Løgreglan upplýsir, at tríggir bjargingarbátar og tríggir bátar hjá herinum vórðu sendir til ferjuna, fyri at hjálpa ferðafólki og manning.

Einki er frætt um at nakar hevur fingið skaða.

Ferjan sigldi á leiðini millum Grikkaland og Italia, tá eldur kom í, og ferðafólkini verða flutt til oynna Korfu.

Ferjan hevði verið í grikska býnum, Igoumenitsa,og var á veg til italska býin, Brindisi, tá eldur kom í, skrivar Reuters.