Fjarhitafelagið skal hava 30 mió. kr. í partapeningi aftrat

Fjarhitafelagið skal hava 30 milliónir krónur aftrat í partapeningi. 

Tórshavnar kommuna fer at seta 15 mió. kr. í Fjarhitafelagið. Kommunan hevur fingið eina umsókn frá Fjarhitafelagnum um at hækka partapeningin.

Tórshavnar kommuna eigur helvtina av Fjarhitafelagnum.

SEV, sum eigur hina helvtina, hevur eisini fingið umsókn um 15 mió. kr.

Viðgera málið í kvøld

Umsitingin og fíggjarnevndin hjá býráðnum mæla til at samtykkja uppskotið um at hækka partapeningin í Fjarhitafelagnum.

Býráðið skal viðgera málið í kvøld.

Útbyggingarnar hjá Fjarhitafelgnum skulu gera, at allur býurin skal hava fjarhita, sigur býráðið.

Fjarhitafelagið hevur 5,5 milliónir í partapeningi.