Pólland fer ikki til Russland at spæla HM-undankapping

Pólland fer ikki til Russland at spæla HM-undankapping
Polska fótbóltssambandið hevur nú boðað frá, at polska A-landsliðið hjá monnum ikki fer at spæla móti Russlandi í HM-undankappingini í næsta mánaði
 
26.02.2022 - 13:32

 

Pólland og Russland skuldu eftir ætlan møtast í play off dysti um at sleppa til HM-endaspælið í Katar komandi vetur, men nú hevur polska fótbóltssambandið so boðað frá, at orsakað av støðuni í Ukraina fer Pólland ikki at møta upp til dystin.

Avgerðin fær eisini undirtøku frá polsku spælarunum, harímillum stóru stjørnuni Robert Lewandowski, sum á Twitter sigur, at hetta er tann rætta avgerðin, og at hann ikki kann ímynda sær at spæla móti Russlandi, samstundis sum vápnaður ágangur heldur fram í Ukraina. Russiskir fótbóltsspælarar og viðhaldsfólk hava ikki ábyrgdina av hesum, men vit kunnu ikki bara lata sum luft, sigur Lewandowski.

Forsetin í polska fótbóltssambandinum Cezary Kulesza sigur, at hann eisini hevur samband við fótbóltssambondini í Kekkia og Svøríki um at senda eina felags fráboðan til FIFA. 

Sambært skránni skal vinnarin av dystinum millum Pólland og Russland spæla móti vinnaranum av dysti millum Kekkia og Svøríki um eitt pláss í endaspælinum í Katar.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592