Umboð fyri Ukraina og Russland hittast aftur um vikuskiftið

Forsetaskrivsstovan í Ukraina upplýsir í dag, at ætlanir eru um nýggjar samrøður við Russland um vikuskiftið. 

Tað skrivar NTB.

Hetta verður triði fundur millum partarnar, eftir at teir hittust mánadagin og í gjár. 

Á fundinum í gjár var okkurt framstig gjørt, soleiðis at skilja, at partarnir samdust um at skipa humaniterar geirar. 

Men enn er ógreitt, hvussu langt arbeiðið við hesum er komið.