Nú eru átta deyð eftir álopið á Kyiv

Talið á deyðum eftir álopið á eitt bústaðar- og handilsøki í ukrainska høvuðsstaðnum, Kyiv, er nú komið upp á átta, upplýsir borgarstjórin í Kyiv, Vitalij Klytjko, á eini upptøku á sosialum miðlum.

- Ein handilsmiðstøð er brunnin í grund, og seks íbúðarhús, tveir skular og tveir barnagarðar hava fingið skaða, sigur borgarstjórin.

Vitalij Klytjko

Vitalij Klytjko, borgarstjóri í Kyiv. (Mynd: AP)

- Átta fólk eru deyð. Fíggindin heldur fram at leypa á høvuðsstaðin, sigur hann á upptøkuni.

Vitalij Klytjko ávarar borgararnar í býnum um ikki at lata vindeygu upp, tí eldurin í handilsmiðstøðini hevur elvt til luftdálking. 

Sí video-myndir frá álopinum á Kyiv frá AP-tíðindastovuni her:

925 sivilfólk deyð

925 sivilfólk hava latið lív í Ukraina, síðani russiska innrásin byrjaði fyri umleið einum mánaði síðani, sigur mannarættindastovnurin hjá ST. 

1.496 fólk eru særd.

OHCHR sigur, at veruliga talið er helst størri, tí mannarættindastovnurin er ikki førur fyri at vátta talið á deyðum í kringsettum býnum, eitt nú Mariupol.