Hálvfinaluspenningur í Klaksvík

Stórt hondbóltskvøld er í Klaksvík.

Bæði Stjørnan og Team Klakvík hava heimavøll í fyrstu hálvfinalunum í landskappingunum í hondbólti.

Í Burn-deildini er Team Klaksvík í endaspælinum fyri fyrstu ferð, so spenningurin er stórur undan fyrstu hálvfinaluni ímóti FM-favorittunum úr H71. 

Í SMS-deildini hevur Stjørnan til tíðir spælt upp ímóti teimum bestu í ár, og hóast H71 endaði nakað frammanfyri hini, tykist hálvfinalan at vera opin. H71 hevur kortini vunnið allar tríggjar dystirnar ímóti klaksvíkskvinnum í ár. 

Hálvfinalurnar eru skipaðar soleiðis, at spælt verður 'best av trimum', tvs. at annaðhvørt tvær ella tríggjar hálvfinalur skulu spælast millum liðini, sum eru parað. 

Dysturin millum Team Klaksvík og H71 er í Badmintonhøllini og byrjar klokkan 18.30, meðan Stjørnan og H71 fara á vøllin í KÍ-høllini klokkan 20.00.