Løgmaður á almenna vitjan í Grønlandi

Bárður á Steig Nielsen, løgmaður, er á veg á almenna vitjan í Grønlandi. 

Almenna vitjanin byrjar í morgin og heldur fram til hósdagin í næstu viku. Grønlendski landsstýrisformaðurin Múte B. Egede er vertur fyri vitjanini.

Á fundi sínamillum skulu løgmaður og grønlendski landsstýrisformaðurin m.a. umrøða fiskiveiðusamstarv, arbeiðið í Arktiska Ráðnum og arbeiðið í Samstarvsráðnum, har Føroyar hava formansskapin.

Eisini skal løgmaður vitja Fróðskaparsetrið í Nuuk og ymiskar fyritøkur í grønlendska høvuðsstaðnum.

Hetta er fyrsta ferðin, at Bárður á Steig Nielsen, løgmaður, er á almennari vitjan í Grønlandi.