Fyrireika bíðirúm við ferjuleguna á Syðradali

Landsverk fyrireikar at byggja bíðirúm við ferjuleguna á Syðradali.

Tað er mett at kosta tvær milliónir krónur.  

Hetta hevur Fíggjarnevndin hjá løgtinginum fingið at vita, nú hon viðgjørdi uppskotið um eykajáttan til skýli ella bíðirúm á Syðradali.

Beinta Løwe í Tjóðveldi eigur uppskotið, og hon biður um 500.000 kr.

VFI kanska reka bíðirúmið

Í álitinum hjá Fíggjarnevndini stendur eisini, at nevndin hevur fingið at vita, at Visit Faroe Islands vil vera við í fíggingini og kanska reka bíðirúmið saman við við Klaksvíkar kommunu. 

Tó eru ongar avtalur gjørdar um hetta enn.

Meirilutin í Fíggjarnevndini tekur ikki undir við uppskotinum um eykajáttanarlóg.