200 bústaðir á Argjahamri

Tórshavnar býráð hevur nú játtað pengarnar til at byrja stóru útstykkingina á Argjahamri, har 200 bústaðir skulu byggjast.

Í fyrsta umfari verður arbeiðið at gera ein 600 metra langan veg boðið út.

Talan er um vegin frá rundkoyringini á Argjahamri og út til vegin hjá festaranum út í grótbrotið á Glyvursnesi.

Hetta er sambindingarvegur í útstykkingini.

Býráðið játtaði í gjár seks milliónir krónur.

Fýra milliónir fara til vegin og tvær milliónir til framhaldandi ráðlegging og projektering av útstykkingini.