HB-venjarin tveittur til hús

Kim Engstrøm er ikki longur venjari hjá HB.

Besta mansliðið í sigursvanda felagnum hevur bert fingið sjey stig seinastu sjey dystirnar, og nú hevur nevndin tikið avleiðingarnar av vánaligu úrslitunum.

 - Gongdin seinastu dystirnar hevur ikki verið nøktandi, og tí metir nevndin, at tørvur er á nýggjum íblástri og at skifta høvuðsvenjara, skrivar heimasíðan hjá HB.

Undan kappingarárinum varð sagt, at HB skuldi kappast við KÍ og hini um føroyameistaraheitið, men í løtuni liggur HB á fjórða plássi 14 stig aftanfyri meistararnar úr Klaksvík.

Kim Engstrøm skrivaði undir trý ára sáttmála í vetur.

Nýggjur venjari verður kunngjørdur í næstum, sigur nevndin sambært HB-heimasíðuni.