Jákup Petur og Maria skjótast kring Føroyar

Jákup Petur Eliasen vann síðsta teinin í kappingini, LM Kring Føroyar, sum varð súkklaður í gjár, og fekk eisini sigurin samanlagt. Hjá kvinnum varð Maria Svabo Hansen best

0 seconds of 0 secondsVolume 90%

00:00

Símun Christian Olsen

30.05.2022 - 15:39

Jákup Petur Eliasen vann stóru súkklukappingin, LM kring Føroyar, sum hevur verið síðstu vikuna.

Hann vann fýra av teimum fimm teinunum - millum annað seinasta teinin á Streymoynni - og vann tryggan sigur samanlagt.

- Tað eri eg ordiliga væl nøgdur við, sigur Jákup Petur Eliasen.

- At vinna fýra teinar er eisini ordiliga stuttligt, og tú spurdi, um eg hevði nakað at prógva eftir teinin í gjár, og tað hevði eg kanska, so tað er ordiliga lekkurt at enda við at vinna seinasta teinin eisini.

Hilmar Hansen, sum vann fjórða teinin í Suðuroy, endaði á næstfremsta plássinum, hálvantíggjunda minutt aftanfyri Jákup Petur Eliasen. Tað var hann sum heild væl nøgdur við.

Hjá kvinnum vann Maria Svabo Hansen. Hon var einasta kvinna, sum súkklaði allar fimm teinarnar. Hon hevði samlaðu tíðina 10.42.26.

Úrslitið, topp-trý, menn:
1. Jákup Petur Eliasen, 8.47.03
2. Hilmar Hansen, 8.56.42
3. Gunnar Dahl-Olsen, 9.05.14