![](https://kringvarp.fo/sites/default/files/styles/myndasavn-width/public/stoltenberg_0.jpg?itok=DLx-H1pZ)
- Tíðindi, mentan og ítróttur
NATO: Eingi tekin um, at Russland hóttir Svøríki og Finnland
![](https://kvf.fo/sites/default/files/styles/grein-ovasta-mynd/public/geoana.jpg?itok=P8fRL49a)
NATO sigur seg ikki síggja nakra hóttan frá Ruslandi ímóti Svøríki og Finnlandi, sum hava biðið um limaskap í NATO.
Tað boðar NATO frá í dag.
- Eingi tekin eru um nakað óvanligt frá russiskari síðu, sigur varaaðalskrivarin í NATO, Mircea Geoana, sum er á vitjan í Keypmannahavn, sambært Reuters.
Geoana sigur seg hava álit á, at Finnland og Svøríki kunnu gerast limur í NATO, men hann segði seg vera eitt sindur ivasaman av støðuni hjá Turkalandi.
Jens Stoltenberg, NATO-aðalskrivari. (Mynd: Ritzau Scanpix)
Stoltenberg til Finnlands og Svøríkis
Sunnudagin fer aðalskrivarin í NATO, Jens Stoltenberg til Finnlands, har hann skal hitta finska forsetan, Sauli Niinistø.
Mánadagin Jens Stoltenberg til Svøríks, har hann skal hitta Magdalenu Andersson, forsætisráðharra.
Turkaland hevur sett seg upp ímóti finskum og svenskum limaskapi í NATO. Landið sigur, at bæði londini hýsa limum í kurdiska felagskapinum, PKK, sum Turkaland sigur vera ein yvirgangsfelagskap.
Turkaland hevur sett nøkur krøv fyri at góðtaka, at Svøríki og Finnland fáa limaskap í NATO. Og av tí sama hendir ikki stórvegis í samráðingunum í løtuni, skrivar Reuters.