Anders fekk húgvuna

Anders Godik Højen er nógv broyttur, síðani hann byrjaði á Serbreytini á Glasi fyri fýra árum síðani.

Pápin, Jens Godik Højen, heldur, at sonurin er mentur ómetaliga nógv.

Undirvísingin á Serbreytini er øðrvísi enn í øðrum flokkum á Miðnámi.

Fleiri av teimum, sum hava gingið á Serbreytini áður, hava nú fingið arbeiði.

Anders Højen skal nú arbeiða á vaskarínum á Landssjúkrahúsinum, har hann hevur verið í starvsvenjing áðrenn. Har trívist hann væl.

Tað er triðju ferð at næmingar á Serbreytini á Glasi fáa prógv. 

Serbreytir eru eisini á Miðnámi á Kambsdali, á TSK í Klaksvík og á Miðnámsskúlanum í Suðuroy.