Spennandi borðtenniskapping á Føroyaleikum

Føroysku borðtennisspælararnir fingu nøkur góð úrslit, tá Ísland og Grønland vitjaðu á Føroyaleikunum.

Besta úrslitið kom helst, tá kvinnulandsliðið hjá føroyingunum vann gull í liðdystinum leygardagin.

Liðið, sum er mannað við Anju Wongwai, Britt Michelsen og Marin Elisabet Poulsen, legði bæði Ísland og Grønland aftur um seg.

Liðini endaðu við sama stigatali, men Føroyar høvdu besta dystarmunin og fóru sostatt avstað við gullinum.

Føroyameistarin vann kappingina við dreingjum

Blaðungi Albert Weihe Wolfsberg, sum vann FM-heitið fyrr í ár, vann kappingina í einmansleiki fyri dreingir.

Finaluna vann hann á Brian Schultz úr Grønlandi.

Í tvímansleiki hjá gentum fekk Marin Elisabet Poulsen silvurheiðursmerki. Hon spældi saman við Kristín Ingibjørg Magnúsdóttir úr Íslandi.

Anja Wongwai og Britt Michelsen vunnu bronsu í tvímansleiki hjá bæði gentum og kvinnum. 

Kappingin, sum annars var væleydnað, var í høllini í Hoyvík.