Air Greenland steðgar sølu av flogferðum til Vesturgrønlands

Lág skýggj og mjørki í Vesturgrønlandi hava við sær, at flogfelagið, Air Greenland, ikki flýgur framvið strondini í Vesturgrønlandi, tað sum eftir er av juli, tí avbjóðingarnar við flúgvingini eru ov stórar, skrivar Sermitsiaq.

Veðrið hevur havt við sær, at minst 1.000 fólk ikki eru sloppin úr floghavnum í Vesturgrønlandi, og tá umstøðurnar ikki tykjast at broytast, hevur felagið gjørt av ikki at flúgva til Vesturgrønlands fyrr enn í august og selur heldur ikki ferðaseðlar til Vesturgrønlands.

Tað hevur eisini við sær, at fólk ikki kunnu keypa ferðaseðlar til og úr Danmark fyrr enn fyrst í august, skrivar Sermitsiaq.